Божественная Литургия

Если Вы- новичок в церковном пении и никогда раньше не пели Литургию, то как раз пришли по адресу. Здесь вы сможете во всех тонкостях узнать и научиться петь данное богослужение.

На этой странице представлены материалы для книги «Божественная Литургия Иоанна Златоуста для начинающих петь на клиросе и непрофессиональных хоров (составитель Н.В. Попикова)

Целью данного пособия является приобщить неподготовленных, начинающих певчих к участию в богослужениях.

   Мы предлагаем вам взять за музыкальную основу своего служения церковный обиход. Потому что это песнопения, проверенные временем и наиболее располагающие к молитве. Кроме того, они довольно просты для запоминания и исполнения. И здесь не требуется высокого уровня вокальной подготовки и знания музыкальной грамоты.

Если вы уже довольно продвинуты в знании музыкальной грамоты, то данное пособие можно использовать и для двухголосного пения. Для этого можно добавить вторую мелодическую линию: подстраиваем в тональности от основной мелодии терцию вверх и движемся параллельно.

   Хотим обратить ваше внимание, что в связи с отсутствием в большинстве приходов диаконского чина, принадлежность иерейских и диаконских возгласов мы объединили словом «Свщ.» (Священник).

Учитесь и пойте вместе с нами!

С любовью к вам и к своему делу, Школа певчих «АЛЛИЛУИЯ».

Оформить заказ на пособие можно на специальной странице:
Перейдите по ссылке, выберите удобный формат (цифровой PDF или печатное издание с доставкой) и оформите заказ:

https://nataliapopikova.ru/upbl

Если возникнут вопросы — мы всегда на связи.

ЛИТУРГИЯ ОГЛАШЕННЫХ

Свщ.: Благословенно Царство Отца и Сына и Святаго Духа, ныне и присно и во веки веков.

Хор: Аминь.

Великая ектения.  

Свщ.: Миром Господу помолимся.

Хор: Господи, помилуй.

Свщ.: О Свышнем мире и спасении душ наших, Господу помолимся.

Хор:   Господи, помилуй. (и на каждое последующее прошение)

О мире всего мира, благосостоянии Святых Божиих Церквей и соединении всех, Господу помолимся. 

О святем храме сем и с верою, благоговением и страхом Божиим входящих в онь, Господу помолимся.

О великом Господине и Отце нашем Святейшем Патриархе (имярек), и о Господине нашем, Преосвященнейшем митрополите (или: архиепископе, или: епископе) (имярек), честнем пресвитерстве, вo Христе диаконстве, о всем причте и людех, Господу помолимся.

О Богохранимей стране нашей, властех и воинстве ея, Господу помолимся.

О граде сем [или: о веси сей; о святей обители сей], всяком граде, стране и верою живущих в них, Господу помолимся.

О благорастворении воздухов, о изобилии плодов земных и временех мирных, Господу помолимся.

О плавающих, путешествующих, недугующих, страждущих, плененных и о спасении их, Господу помолимся.

О избавитися нам от всякия скорби, гнева и нужды, Господу помолимся.

Заступи, спаси, помилуй и сохрани нас, Боже, Твоею благодатию.

Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Свщ.: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Хор: Аминь.

Антифоны изобразительные*

(*здесь также могут быть вседневные или праздничные антифоны)

1 –й антифон (102 псалом)

Благослови, душе моя, Господа. / Благословен еси, Господи. 

Благослови, душе моя, Господа, / и вся внутренняя моя Имя святое Его.

Благослови, душе моя, Господа, / и не забывай всех воздаяний Его.

 Очищающаго вся беззакония твоя, / исцеляющаго вся недуги твоя.

Избавляющаго от истления живот твой, / венчающаго тя милостию и щедротами.

Исполняющаго во благих желание твое: / обновится, яко орля, юность твоя.

Щедр и милостив Господь, /долготерпелив и многомилостив.

Благослови, душе моя, Господа, / и вся внутренняя моя,/имя святое Его./ Благословен еси, Господи.

*в приходской практике антифоны часто принято петь на 1-ый тропарный глас:

Малая (мажорная) ектения

 (в дальнейшем звучит так же)

Свщ.:  Паки и паки миром Господу помолимся.

Хор: Господи, помилуй.

Свщ.: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Свщ.: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Хор: Тебе, Господи.

Свщ.: Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно и во веки веков.

Хор: Аминь.

2 –й антифон  (145 псалом)

Слава Отцу и Сыну/ и Святому Духу.

Хвали, душе моя, Господа. / Восхвалю Господа в животе моем, / пою Богу моему, дондеже есмь.

Не надейтеся на князи, на сыны человеческия, / в них же несть спасения.

Изыдет дух его, и возвратится в землю свою: / в той день погибнут вся помышления его.

Блажен, емуже Бог Иаковль помощник его, / упование его на Господа Бога своего.

Сотворшаго небо и землю, / море и вся, яже в них.

Хранящаго истину в век, / творящаго суд обидимым,/ дающаго пищу алчущим.

Господь решит окованныя, / Господь умудряет слепцы.

Господь возводит низверженныя, / Господь любит праведники.

Господь хранит пришельцы, / сира и вдову приимет,/ и путь грешных погубит.

Воцарится Господь во век, / Бог твой, Сионе, в род и род.

И ныне и присно и во веки веков. Аминь.

Песнь Господу Иисусу Христу

Единородный Сыне и Слове Божий, Безсмертен Сый, / и изволивый спасения нашего ради / воплотитися от Святыя Богородицы и Приснодевы Марии, / непреложно вочеловечивыйся; / распныйся же, Христе Боже, смертию смерть поправый, / един Сый Святыя Троицы,/ спрославляемый Отцу и Святому Духу, спаси нас.

*обиходный напев

Ектения малая (минорная):

Свщ.: Паки и паки миром Господу помолимся.

Хор: Господи, помилуй.

Свщ.: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Свщ.: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Хор: Тебе, Господи.

Свщ.: Яко благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь.

Третий антифон. Блаженны

Во Царствии Твоем помяни нас, Господи, / егда приидеши во Царствии Твоем.

Блажени нищий духом, / яко тех есть Царство Небесное.

Блажени плачущии, / яко тии утешатся.

Блажени кротции, / яко тии наследят землю.

Блажени алчущии и жаждущии правды, / яко тии насытятся.

Блажени милостивии, / яко тии помиловани будут.

Блажени чистии сердцем, / яко тии Бога узрят.

Блажени миротворцы, / яко тии сынове Божии нарекутся.

Блажени изгнани правды ради, / яко тех есть Царство Небесное.

Блажени есте, егда поносят вам, / и изженут, и рекут всяк зол глагол на вы, лжуще Мене ради.

Радуйтеся и веселитеся, / яко мзда ваша многа на небесех Слава Отцу и Сыну и Святому Духу.

*1-ый тропарный глас, обиходный напев

Малый вход, вход с Евангелием.

Свщ.:  Премудрость, прости!  

Хор:  Приидите, поклонимся и припадем ко Христу. Спаси Сыне Божий, воскресый из мертвых, поющия Ти: аллилуиа.

Далее поются ТРОПАРИ и КОНДАКИ по Уставу.

Свщ.: Господи, спаси благочестивыя!

Хор:  Господи, спаси благочестивыя!

Свщ.: И услыши ны!

Хор:  И услыши ны!

Трисвятое 

Святый Боже, Святый Крепкий, Святый Безсмертный, помилуй нас. 
Святый Боже, Святый Крепкий, Святый Безсмертный, помилуй нас.     
Святый Боже, Святый Крепкий, Святый Безсмертный, помилуй нас.     
Слава Отцу и Сыну и Святому Духу, и ныне, и присно, и во веки веков. Аминь.
Святый Безсмертный, помилуй нас.
Святый Боже, Святый Крепкий, Святый Безсмертный, помилуй нас.   
                                       

*Болгарское 

*На отдельных богослужениях, в соответствии с Уставом, вместо Трисвятого могут исполняться другие песнопения: Елицы… или Кресту Твоему. Приводим также их.

Елицы (исполняется по той же схеме, что и Трисвятое)

Кресту Твоему (исполняется по той же схеме, что и Трисвятое)

Чтение Апостола

 *(прокимен и текст посланий – в соответствии с Уставом. Здесь приводится вариант с одним прокимном)

Свщ.: Вонмем.

Свщ.: Мир всем.

Чтец: И духови твоему.

Свщ.: Премудрoсть.

Чтец: Прoкимен, глас… (возглашает текст прокимна)

Наиболее употребляемые прокимны:
Воскресные:
Глас 1: Буди, Господи, милость Твоя на нас, / якоже уповахом на Тя.
Глас 2: Крепость моя и пение мое Господь, / и бысть мне во спасение.
Глас 3: Пойте Богу нашему, пойте, / пойте Цареви нашему, пойте.
Глас 4: Яко возвеличишася дела Твоя, Господи, / вся премудростию сотворил еси.
Глас 5: Ты, Господи, сохраниши ны / и соблюдеши ны от рода сего и во век.
Глас 6: Спаси, Господи, люди Твоя / и благослови достояние Твое.
Глас 7: Господь крепость людем Своим даст, / Господь благословит люди Своя миром.
Глас 8: Помолитеся и воздадите / Господеви Богу нашему.
Будничные:
В понедельник, гл. 4:  Творяй ангелы Своя духи,/ и слуги Своя — пламень огненный.
Во вторник, гл.7: Возвеселится праведник о Господе/ и уповает на Него.
В среду, гл. 3, песнь Богородицы: Величит душа Моя Господа,/ и возрадовася дух Мой о Бозе Спасе Моем.
В четверг, гл. 8: Во всю землю изыде вещание их,/ и в концы вселенныя глаголы их.
В пятницу, гл. 7: Возносите Господа Бога нашего,/ и покланяйтеся подножию ногу Его, яко свято есть.
В субботу, гл. 8: Веселитеся о Господе,/ и радуйтеся, праведнии.
Заупокойный, гл. 6: Души их/ во благих водворятся.
Общие святым:
Пресвятой Богородице, песнь Богородицы, гл. 3: Величит душа моя Господа,/ и возрадовася дух мой о Бозе спасе моем.
Святым небесным безплотным силам, гл. 4: Творяй ангелы своя духи,/ и слуги своя пламень огненный.
Пророкам, гл. 4: Ты иерей во век/ по чину мелхиседекову.
Апостолам, гл. 8: Во всю землю изыде вещание их,/ и в концы вселенныя глаголы их.
Святителю, гл. 1: Уста моя возглаголют премудрость,/ и поучение сердца моего разум.
Святителям, преподобным и Христа ради юродивым, гл. 7: Честна пред Господем/ смерть преподобных его.
Мученику, гл. 6: Возвеселится праведник о Господе,/ и уповает на Него.
Мученикам, гл. 4: Святым, иже суть на земли его,/ удиви Господь вся   хотения своя в них.
Священномученику, гл. 8: Восхвалятся преподобнии во славе,/ и возрадуются на ложах своих.
Священномученикам, гл. 6: Честна пред Господем/ смерть преподобных его.
Преподобномученикам и исповедникам, гл. 8: Восхвалятся преподобнии во славе,/ и возрадуются на ложах своих.
Мученицам и преподобным женам, гл. 4: Дивен бог во святых своих,/ Бог Израилев.
Безмездникам, гл. 4: Святым, иже суть на земли его,/ удиви Господь вся хотения Своя в них.

Хор: (повторяет прокимен)

Чтец: (читает стих)

Хор: (повторяет прокимен)

Чтец: (читает первую половину прокимна)

Хор: (допевает окончание прокимна)

Свщ.: Премудрoсть.

Чтец: Кo (…) пoслание святагo апостoла Павла чтение.

Свщ.: Вонмем.

Чтец: Братие, … (читает текст)

Свщ.: Мир ти.

Чтец: И духови твоему.

Свщ.: Премудрoсть.

Чтец: Аллилуия, аллилуия, аллилуия.

Хор: Аллилуия, аллилуия, аллилуия.

*обиходный напев

Чтец: (читает Аллилуарий)

Хор: Аллилуия, аллилуия, аллилуия.

Чтец: (читает стих Аллилуария)

Хор: Аллилуия, аллилуия, аллилуия.

Чтение Евангелия

Свщ.:    Премудрoсть, прости, услышим святагo Евангелия.

Свщ.:    Мир всем.

Хoр:      И духoви твoему.

Свщ.:    Oт (…) святагo Евангелия чтение.

Хoр:      Слава Тебе, Госпoди, слава Тебе.

Свщ.:      Вонмем. (читает текст)

            По окончании чтения:

Хoр:    Слава Тебе, Госпoди, слава Тебе.

Ектения сугубая:

Свщ.:    Рцем вси oт всея души, и oт всего пoмышления нашегo рцем.

Хoр:      Госпoди, пoмилуй.

Свщ.:    Госпoди Вседержителю, Боже oтец наших, молим Ти ся, услыши и пoмилуй.

Хoр:      Госпoди, пoмилуй.

Свщ.:    Пoмилуй нас, Боже, пo велицей милoсти Твoей, молим Ти ся, услыши и пoмилуй.

Хoр:      Госпoди, пoмилуй, Госпoди, пoмилуй, Госпoди, пoмилуй. (на каждoе прoшение)                                                                               

 *Московская

Свщ.: Еще молимся o Великoм Гoспoдине и Oтце нашем Святейшем Патриархе Кирилле, и o Гoспoдине нашем Высoкoпреoсвященнейшем митрoпoлите (или: архиепискoпе, или: преoсвященнейшем епискoпе (имярек), и всей вo Христе братии нашей.

Еще молимся o Бoгoхранимей стране нашей, властех и воинстве ея, да тихoе и безмолвнoе житие пoживем вo всякoм благoчестии и чистoте.

Еще молимся o братиях наших, священницех, священнoмoнасех, и всем вo Христе братстве нашем.

Еще молимся o блаженных и приснoпамятных сoздателех святагo храма сего, и o всех преждепoчивших oтцех и братиях, зде лежащих и пoвсюду, правoславных.

Еще молимся o милoсти, жизни, мире, здравии, спасении, пoсещении, прoщении и oставлении грехов рабов Божиих настoятеля, братии и прихожан святагo храма сего.

Еще молимся o плoдoнoсящих и дoбрoдеющих вo святем и всечестнем храме сем, труждающихся, пoющих и предстoящих людех, oжидающих oт Тебе великия и бoгатыя милoсти.

Свщ.: Якo Милoстив и Челoвекoлюбец Бoг еси, и Тебе славу вoзсылаем, Oтцу и Сыну и Святому Духу, ныне и приснo и вo веки веков.

Хoр: Аминь.

Ектения сугубая о усопших:

Свщ.:  Помилуй нас, Боже, по велицей милости Твоей, молим Ти ся, услыши и помилуй.

Хор:      Госпoди, пoмилуй, Госпoди, пoмилуй, Госпoди, пoмилуй. (на каждoе прoшение)                  

   * обиходный распев

Свщ.:   Еще молимся о упокоении душ усопших рабов Божиих (имена) и о еже проститися им всякому прегрешению, вольному же и невольному.

Яко да Господь Бог учинит души их, идеже праведнии упокояются.

Свщ.:   Милости Божия, Царства Небеснаго и оставления грехов их у Христа, Безсмертнаго Царя и Бога нашего, просим.

Хор:      Подай, Господи.

Свщ.:    Господу помолимся.

Хор:      Господи, помилуй.

Свщ.: Яко Ты еси воскресение, и живот, и покой усопших раб Твоих (имена), Христе Боже наш, и Тебе славу возсылаем, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков.

Хор:      Аминь.

Царские врата закрываются.

Ектения об оглашенных

Свщ.:  Помолитеся, оглашеннии, Господеви.

Хор:    Господи, помилуй. (на каждое прошение)

Свщ.:  Вернии, о оглашенных помолимся, да Господь помилует их.

            Огласит их словом истины.

            Открыет им Евангелие правды.

            Соединит их Святей Своей, Соборней и Апостольстей Церкви.

            Спаси, помилуй, заступи и сохрани их, Боже, Твоею благодатию.

            Оглашеннии, главы ваша Господеви приклоните.

Хор:    Тебе, Господи.

Свщ.:   Да и тии с нами славят пречестное и великолепое Имя Твое, Отца и Сына и Святаго Духа, ныне и присно и во веки веков.

Хор:    Аминь.

ЛИТУРГИЯ ВЕРНЫХ

Свщ.: Елицы оглашеннии, изыдите, оглашеннии, изыдите; елицы оглашеннии, изыдите. Да никто от оглашенных, елицы вернии, паки и паки миром Господу помолимся.

Хор: Господи, помилуй.

Свщ.: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Свщ.: Премудрость.

Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Хор: Аминь.

Свщ.: Паки и паки миром Господу помолимся.

Хор: Господи, помилуй. (На каждое прошение)

Свщ.: О свышнем мире и спасении душ наших, Господу помолимся.

О мире всего мира, благостоянии святых Божиих Церквей и    соединении всех, Господу помолимся.

О святем храме сем и с верою, благоговением и страхом Божиим входящих в онь, Господу помолимся.

О избавитися нам от всякия скорби, гнева и нужды, Господу помолимся.

Заступи, спаси, помилуй и сохрани нас, Боже, Твоею благодатию.

Свщ.: Премудрость.

Яко да под державою Твоею всегда храними, Тебе славу возсылаем, Отцу и Сыну и Святому Духу, ныне и присно и во веки веков.

Отверзаются царские врата

Хор: Аминь. 

Херувимская песнь.

Иже Херувимы тайно образующе и Животворящей Троице Трисвятую песнь припевающе, всякое ныне житейское отложим попечение.

*Греческого распева

Великий вход

Свщ.: Великаго Господина и Отца нашего (имярек), Святейшаго Патриарха Московскаго и всея Руси, и Господина нашего Преосвященнейшаго (имя епархиального архиерея), да помянет Господь Бог во Царствии Своем, всегда, ныне и присно и во веки веков.

Свщ.: Вас и всех православных христиан да помянет Господь Бог во Царствии Своем, всегда, ныне и прирно и во веки веков.

Хор: Аминь.

Яко да Царя всех подымем ангельскими невидимо дориносима чинми. Аллилуиа, аллилуиа, аллилуиа.

Просительная ектения

Свщ.: Исполним молитву нашу Господеви.

Хор:   Господи, помилуй. (На каждое прошение).

Свщ.: О предложенных честных Дарех Господу помолимся.

О святем храме сем и с верою, благоговением и страхом Божиим входящих в онь, Господу помолимся.

О избавитися нам от всякия скорби, гнева и нужды, Господу помолимся.

Заступи, спаси, помилуй и сохрани нас, Боже, Твоею благодатию.

Дне всего совершенна, свята, мирна и безгрешна, у Господа просим.

Хор: Подай, Господи. (далее — на каждое прошение)

Свщ.: Ангела мирна, верна наставника, хранителя душ и телес наших, у Господа просим.

Прощения и оставления грехов и прегрешений наших, у Господа просим.

Добрых и полезных душам нашим и мира мирови, у Господа просим.

Прочее время живота нашего в мире и покаянии скончати, у Господа просим.

Христианския кончины живота нашего, безболезнены, непостыдны, мирны, и добраго ответа на Страшном Судищи Христове, просим.

Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Хор:  Тебе, Господи.

Свщ.: Щедротами Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во реки веков.

Хор: Аминь.

Свщ.: Мир всем.

Хор: И духови твоему.

Свщ.: Возлюбим друг друга, да единомыслием исповемы.

Хор:  Отца и Сына и Святаго Духа, Троицу Единосущую и Нераздельную.

Свщ.: Двери, двери, премудростию вонмем.

Открывается завеса царских врат

Хор (и все, находящиеся в храме): 

Символ веры

Верую/ во Единаго Бога Отца Вседержителя,/ Творца небу и земли, видимым же всем и невидимым./ И во Единаго Господа Иисуса Христа, Сына Божия,/ Единороднаго, Иже от Отца рожденнаго прежде всех век./ Света от Света, Бога истинна от Бога истинна,/ рожденна, несотворенна, единосущна Отцу, Имже вся быша./ Нас ради, человек, и нашего ради спасения сшедшаго с Небес,/ и воплотившагося от Духа Свята и Марии Девы, и вочеловечшася./ Распятаго же за ны при Понтийстем Пилате,/ и страдавша, и погребенна. И воскресшаго в третий день по Писанием./ И восшедшаго на Небеса, и седяща одесную Отца./ И паки грядущаго со славою судити живым и мертвым, Его же Царствию не будет конца./ И в Духа Святаго, Господа Животворящаго, Иже от Отца исходящаго,/ Иже со Отцем и Сыном спокланяема и сславима, глаголавшаго пророки./ Во едину Святую Соборную и Апостольскую Церковь./ Исповедую едино Крещение во оставление грехов./ Чаю воскресения мертвых,//  и жизни будущаго века. Аминь.

Милость мира

Свщ.:  Станем добре, станем со страхом, вонмем, Святое Возношение в мире приносити.

Хор: Милость мира, Жертву хваления.                               

  *Афонский распев

Свщ.: Благодать Господа нашего Иисуса Христа, и любы Бога и Отца, и причастие Святаго Духа, буди со всеми вами.

Хор: И со духом твоим.

Свщ.: Горе имеим сердца.

Хор: Имамы ко Господу.

Свщ.: Благодарим Господа.

Хор: Достойно и праведно есть покланятися Отцу и Сыну и Святому Духу, Троице Единосущной и Нераздельней.

Свщ.: Победную песнь поюще, вопиюще, взывающе и глаголюще:

Хор: Свят, Свят, Свят Господь Саваоф, исполнь Небо и земля славы Твоея; осанна в вышних, благословен Грядый во Имя Господне, осанна в вышних.

Свщ.: Приимите, ядите, Сие есть Тело Мое, еже за вы ломимое во оставление грехов.

Хор: Аминь.

Свщ.: Пийте от нея вси, сия есть Кровь Моя Новаго Завета, яже за вы и за многи изливаемая во оставление грехов.

Хор: Аминь.

Свщ.: Твоя от Твоих Тебе приносяще о всех и за вся.

Хор: Тебе поем, Тебе благословим, Тебе благодарим, Господи, и молим Ти ся, Боже наш.

Свщ.: Изрядно о Пресвятей, Пречистей, Преблагословенней, Славней Владычице нашей Богородице и Приснодеве Марии.

Достойно есть

Хор: Достойно есть, яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и Славнейшую без сравнения Серафим, без истления Бога Слова рождшую, сущую Богородицу Тя величаем.

(*В двунадесятые праздники и их попразднства вместо «Достойно…» поется «задостойник».)

*на 3-й стихирный глас

Свщ.: В первых помяни Господи, Великаго Господина и Отца нашего (имярек), Святейшаго Патриарха Московскаго и всея Руси, и Господина нашего Преосвященнейшаго (имя епархиального епископа), ихже даруй святым Твоим Церквам в мире, целых, честных, здравых, долгоденствующих, право правящих слово Твоей истины.

Хор: И всех и вся.

Свщ.: И даждь нам единеми усты и единем сердцем славити и воспевати Пречестное и Всликолепое Имя Твое, Отца и Сына и Святаго Духа, ныне и присно и во веки веков.

Хор: Аминь.

Свщ.: И да будут милости Великаго Бога и Спаса нашего Иисуса Христа со всеми вами.

 Хор: И со духом твоим.

Просительная ектения

Свщ.: Вся святыя помянувше, паки и паки миром Господу помолимся.

Хор: Господи, помилуй. (На каждое прошение).

О принесенных и освященных Честных Дарех, Господу помолимся.

Яко да Человеколюбец Бог наш, приемь я во святый, и пренебесный, и мысленный Свой Жертвенник, в воню благоухания духовнаго, возниспослет нам Божественную благодать и дар Святаго Духа, помолимся.

О избавится нам от всякия скорби, гнева и нужды, Господу помолимся.

Заступи, спаси, помилуй и сохрани нас, Твоею благодатию.

Дне всего совершенна, свята, мирна и безгрешна у Господа просим.

Хор: Подай, Господи. (На каждое прошение).

Свщ.: Ангела мирна, верна наставника, хранителя душ и телес наших, у Господа просим.

Прощения и оставления грехов и прегрешений наших, у Господа просим.

Добрых и полезных душам нашим и мира мирови, у Господа просим.

Прочее время живота нашего в мире и покаянии скончати у Господа просим.

Христианския кончины живота нашего, безболезнены, непостыдны, мирны, и добраго ответа на Страшнем Судищи Христове, просим.

Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.

Хор: Тебе, Господи.

Свщ.: И сподоби нас, Владыко, со дерзновением, неосужденно смети призывати Тебе, Небеснаго Бога Отца, и глаголати:Хор (или все молящиеся): Отче наш, Иже еси на Небесех! Да святится Имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Свщ.: Яко Твое есть Царство, и сила, и слава. Отца и Сына и Святаго Духа, ныне и присно и во веки веков.

Хор: Аминь.

Свщ.: Мир всем.

Хор: И духови твоему.

Свщ.: Главы ваша Господеви приклоните.

Хор: Тебе, Господи.

Свщ.: Благодатию, и щедротами, и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.

Хор: Аминь.

Закрываются царские врата и завеса.

Свщ.: Вонмем. Святая святым.

Хор:  Един Свят, един Господь Иисус Христос, во славу Бога Отца. Аминь.

И сразу поются причастны по Уставу

В воскресенье: 

Хвалите Господа с небес, хвалите Его в вышних. Аллилуиа, аллилуиа, аллилуиа.

*Пение причастного стиха заканчивается троекратным «аллилуиа».

*Устав о пении причастных стихов находится в богослужебных книгах вместе с уставом о прокимнах и аллилуариях, и, за редким исключением, когда читается два Апостола, поется два причастна, однако «аллилуиа» поется только после второго.

*Праздничные причастны указаны также в службах праздников.

Другие наиболее употребляемые причастные стихи:
В понедельник: Творяй ангелы Своя духи, и слуги Своя пламень огненный.
Во вторник: В память вечную будет праведник, от слуха зла не убоится.
В среду: Чашу спасения прииму и Имя Господне призову.
В четверг: Во всю землю изыде вещание их, и в концы вселенныя глаголы их.
В пятницу: Спасение соделал еси посреде земли, Боже.
В субботу: Радуйтеся, праведнии, о Господе, правым подобает похвала.
Заупокойный: Блажени, яже избрал и приял еси, Господи, и память их в род и род.
Общие:
В праздники Богородицы: Чашу спасения прииму и Имя Господне призову.
В праздники апостолов: Во всю землю изыде вещание их, и в концы вселенныя глаголы их.
В дни памяти святых: В память вечную будет праведник, от слуха зла не убоится.

Далее может быть некоторая пауза в богослужении, во время которой причащаются священнослужители. Данная пауза часто заполняется проповедью священника, чтением молитв ко Святому причащению либо пением.

Открываются царские врата и завеса.

Свщ.: Со страхом Божиим и верою приступите!

Хор:  Благословен Грядый во Имя Господне, Бог Господь и явися нам.

Свщ.:  Верую, Господи, и исповедую, яко Ты еси воистину Христос, Сын Бога живаго, пришедый в мир грешныя спасти, от них же первый есмь аз. Еще верую, яко сие есть самое пречистое Тело Твое, и сия есть самая честная Кровь Твоя. Молюся убо Тебе: помилуй мя, и прости ми прегрешения моя, вольная и невольная, яже словом, яже делом, яже ведением и неведением, и сподоби мя неосужденно причаститися пречистых Твоих таинств, во оставление грехов, и в жизнь вечную. Аминь.

Хор (во время причащения): Тело Христово приимите, Источника безсмертнаго вкусите.

Хор (по окончании причащения мирян): Аллилуия, аллилуия, аллилуия.

Хор:  Видехом Свет истинный,/ прияхом Духа Небеснаго,/ обретохом веру истинную,/ нераздельней Троице покланяемся:/ Та бо нас спасла есть.

Свщ.: Всегда, ныне и присно и во веки веков.Хор: Аминь. Да исполнятся уста наша/ хваления Твоего, Господи,/ яко да поем славу Твою,/ яко сподобил еси нас причаститися/ Святым Твоим, Божественным, Безсмертным и Животворящим Тайнам;/ соблюди нас во Твоей святыни,/ весь день поучатися правде Твоей./Аллилуиа, аллилуиа, аллилуиа.

Благодарственная ектения за Причащение

Свщ.: Прости приимше Божественных, Святых, Пречистых, Безсмертных, Небесных и Животворящих, Страшных Христовых Тайн, достойно благодарим Господа.

Хор: Господи, помилуй.

Свщ.: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Свщ.: День весь совершен, свят, мирен и безгрешен испросивше, сами себе, и друг друга, и весь живот наш Христу Богу предадим.

Хор: Тебе, Господи.

Свщ.: Яко Ты еси Освящение наше, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь.

Свщ.: С миром изыдем.

Хор: О имени Господни.

Свщ.: Господу помолимся.

Хор: Господи, помилуй.

Свщ.: Благословляяй благословящия Тя, Господи, и освящаяй на Тя уповающия, спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего; Ты тех возпрослави Божественною Твоею силою, и не остави нас, уповающих на Тя. Мир мирови Твоему даруй, Церквам Твоим, священником, воинству и всем людем Твоим. Яко всякое даяние благо, и всяк дар совершен свыше есть, сходяй от Тебе, Отца Светов; и Тебе славу, и благодарение, и поклонение возсылаем, Отцу и Сыну и Святому Духу, ныне и присно и во веки веков.

Хор: Аминь. Буди Имя Господне благословено отныне и до века. (трижды)

Псалом 33

(*в современной практике часто опускается или переносится на конец богослужения)

Хор: Благословлю Господа на всякое время,/ выну хвала Его во устех моих.

О Господе похвалится душа моя./да услышат кротции, и возвеселятся. Возвеличите Господа со мною,/ и вознесем Имя Его вкупе.

Взысках Господа, и услыша мя,/ и от всех скорбей моих избави мя. Приступите к Нему и просветитеся,/ и лица ваша не постыдятся.

Сей нищий воззва, и Господь услыша и,/ и от всех скорбей его спасе и. Ополчится ангел Господень окрест боящихся Его,/ и избавит их.

Вкусите, и видите, яко благ Господь;/ блажен муж, иже уповает Нань.

Бойтеся Господа вси святии Его,/ яко несть лишения боящимся Его.

Богатии обнищаша и взалкаша:/ взыскающии же Господа не лишатся всякаго блага.

Приидйте, чада, послушайте мене,/ страху Господню научу вас.

Кто есть человек хотяй живот,/ любяй дни видети благи?

Удержи язык твой от зла,/ и устне твои, еже не глаголати льсти.

Уклонися от зла, и сотвори благо,/ взыщи мира, и пожени и.

Очи Господни на праведныя/ и уши Его в молитву их.

Лице же Господне на творящия злая,/ еже потребити от земли память их.

Воззваша праведнии, и Господь услыша их,/ и от всех скорбей их избави их.

Близ Господь сокрушенных сердцем,/ и смиренныя духом спасет.

Многи скорби праведным,/ и от всех их избавит я Господь.

Хранит Господь вся кости их,/ ни едина от них сокрушится.

Смерть грешников люта,/ и ненавидящии праведнаго прегрешат.

Избавит Господь души раб Своих,/ и не прегрешат вси уповающий на Него.

*Обычный напев, образец

*далее мелодия, состоящая из четырёх колен, повторяется.

Свщ.: Благословение Господне на вас. Того благодатию и человеколюбием, всегда, ныне и присно и во веки веков.

Хор: Аминь.

Свщ.: Слава Тебе, Христе Боже, Упование наше, слава Тебе.

Хор: Слава, и ныне. Господи, помилуй (Трижды). Благослови.

Свщ.: Воскресый из мертвых, Христос, истинный Бог наш, молитвами Пречистый Своея Матере, святых славных и всехвальных Апостол, иже во святых отца нашего Иоанна, архиепископа Константина града, Златоустаго (или: св. Василия Великаго, архиепископа Кесарии Каппадокийския), и святаго (храма и святого, которого память в этот день), святых и праведных Богоотец Иоакима и Анны и всех святых, помилует и спасет нас, яко Благ и Человеколюбец.

Многолетие

*текст многолетия для каждого прихода может быть разным, в соответствии с особенностями прихода в частности и епархии в целом, устанавливается настоятелем.

Хор: Великаго Господина и Отца нашего Кирилла,/ Святейшаго Патриарха Московского и всея Руси,/ и Господина нашего (Высоко-) Преосвященнейшаго (имярек),/ (архи-)епископа (митрополита (титул)),/ богохранимую страну нашу Российскую,/ настоятеля, братию и прихожан святаго храма сего и вся православныя христианы,// Господи, сохрани их на многая лета.

*В Многолетии желательно перечислить все титулы (архи)епископа.
Приводим ещё один образец Многолетия: