Неделя вторая апостола Фомы. Антипасха
Тропарь, глас 7:
Запеча́тану гро́бу, / живо́т от гро́ба возсия́л еси́, Христе́ Бо́же, / и две́рем заключе́нным, / ученико́м предста́л еси́, / всех воскресе́ние; / Дух Пра́вый те́ми обновля́я нам, // по вели́цей Твое́й ми́лости.
Кондак, глас 8:
Любопы́тною десни́цею, / жизнопода́тельная Твоя́ ре́бра Фома́ испыта́, Христе́ Бо́же; / созаключе́нным бо две́рем я́ко вшел еси́, / с про́чими апо́столы вопия́ше Тебе́: // Госпо́дь еси́ и Бог мой.
Прокимен, глас 3:
Ве́лий Госпо́дь наш и ве́лия кре́пость Его́, // и ра́зума Его́ несть числа́.
Неделя третья святых жен-мироносиц
Тропарь, глас 2:
Благообра́зный Ио́сиф / с дре́ва снем Пречи́стое Твое́ те́ло, / плащани́цею чи́стою обви́в, / и благоуха́ньми во гро́бе но́ве закры́в положи́; / но тридне́вен воскре́сл еси́, Го́споди, // подая́й ми́рови ве́лию ми́лость
Ин. Тропарь, глас 2:
Мироно́сицам жена́м при гро́бе предста́в А́нгел, вопия́ше: / ми́ра ме́ртвым суть прили́чна, / Христо́с же истле́ния яви́ся чуждь. / Но возопи́йте: воскре́се Госпо́дь, // подая́й ми́рови ве́лию ми́лость.
Кондак, глас 2:
Ра́доватися мироно́сицам повеле́л еси́, / плач прама́тере Е́вы утоли́л еси́ / воскресе́нием Твои́м, Христе́ Бо́же, / апо́столом же Твои́м пропове́дати повеле́л еси́: // Спас воскре́се от гро́ба.
Неделя четвертая о расслабленном
Тропарь воскресен, глас 3:
Да веселя́тся Небе́сная, / да pа́дуются земна́я, / я́ко сотвоpи́ деpжа́ву/ мы́шцею Свое́ю Госпо́дь, / попpа́ сме́pтию сме́pть, / пе́pвенец ме́pтвых бысть; / из чpе́ва а́дова изба́ви нас, // и подаде́ ми́pови ве́лию ми́лость.
Кондак, глас 3:
Ду́шу мою́, Го́споди, во гресе́х вся́ческих, / и безме́стными дея́ньми лю́те разсла́блену, / воздви́гни Боже́ственным Твои́м предста́тельством, / я́коже и разсла́бленнаго воздви́гл еси́ дре́вле, / да зову́ Ти спаса́емь: // Ще́дрый, сла́ва, Христе́, держа́ве Твое́й.
Неделя пятая о самаряныне
Тропарь воскресен, глас 4:
Све́тлую воскpесе́ния пpо́поведь / от А́нгела уве́девша Госпо́дни учени́цы / и пpа́деднее осужде́ние отве́pгша,/ апо́столом хва́лящася глаго́лаху: / испpове́pжеся смеpть, / воскpе́се Хpисто́с Бог, // да́pуяй ми́pови ве́лию ми́лость.
Кондак, глас 8:
Ве́рою прише́дшая на кла́дязь самаряны́ня, / ви́дя Тя прему́дрости во́ду, / е́юже напои́шася оби́льно, // Ца́рствие вы́шнее насле́дова ве́чно, я́ко присносла́вная.
Неделя шестая о слепом
Тропарь воскресен, глас 5:
Собезнача́льное Сло́во Отцу́ и Ду́хови, / от Де́вы pо́ждшееся на спасе́ние на́ше, / воспои́м, ве́pнии, и поклони́мся, / я́ко благоволи́ пло́тию взы́ти на кpест, / и смеpть пpетеpпе́ти, / и воскpеси́ти уме́pшия // сла́вным воскpесе́нием Свои́м.
Кондак, глас 4:
Душе́вныма очи́ма ослепле́н, / к Тебе́, Христе́, прихожду́, / я́коже слепы́й от рожде́ния, / покая́нием зову́ Ти: // Ты су́щих во Тьме Свет пресве́тлый.
Неделя седьмая святых отцов. Вселенского Собора
Тропарь, глас 8:
Препросла́влен еси́, Христе́ Бо́же наш, / свети́ла на земли́ отцы́ на́ша основа́вый, / и те́ми ко и́стинней ве́ре вся ны наста́вивый, // Многоблагоутро́бне, сла́ва Тебе́.
Кондак, глас 8:
Апо́стол пропове́дание, и оте́ц догма́ты, / Це́ркви еди́ну ве́ру запечатле́ша, / я́же и ри́зу нося́щи и́стины, / истка́ну от е́же свы́ше богосло́вия, // исправля́ет и сла́вит благоче́стия вели́кое та́инство.
.
Загрузка ...